اسلام آباد۔ 23مارچ (اے پی پی) صدر مملکت ممنون حسین پارینے کہ اینو پاکستان نا دفاع سوگو و ناقابل تسخیر ئِ ، ننا روایتی و ایٹمی واک انا مسخت جہانی و علاقائی امن ئِ المی جوڑ کننگ نا ئِ، ہنداخاطران نن مچ آ دنیا ، خاص وڑاٹ تینا ہمسایہ غاتون امن و سنگتی خوائک ولے بھارت نا غیر زموارانہ طرزعمل و اونا کنڈآن لین آف کنٹرول و ورکنگ باﺅنڈری نا پدریسہ خلاف ورزی ناواقعہ غاک ڈیہہ نا امن ئِ داﺅآ خلکونو۔ او پنچ شنبے نا دے پریڈ گراﺅنڈ اٹی تران کریکہ۔ وزیراعظم محمد نواز شریف ، چیئرمین جوائنٹ چیفس آف اسٹاف کمیٹی جنرل زبیر محمود حیات ، پاک فوج انا سروک جنرل قمر جاوید باجوہ ، ساﺅتھ افریقی فوج انا سروک جنرل صالح ذکریہ، اسپیکر قومی اسمبلی سردار ایاز صادق ، بنجائی وزیر دفاع خواجہ آصف، چیئرمین سینیٹ رضاربانی ، بنجائی وزیر خارجہ سعد رفیق ، انجینئر خرم دستگیر ، سینیٹ اٹی قائد ایوان راجہ ظفرالحق ، پاک فضائیہ نا سروک ایئر چیف مارشل سہیل امان، پاک بحریہ نا سروک ایڈمرل محمد ذکاءاللہ، چین نا سفیر سن وی ڈونگ آن بیدس پارلیمنٹ نا باسک ، درملکی مندوبین، سفیر، ہائی کمشنر آن بیدس الس نا اسہ بھلو کچ اس پریڈ اٹی شرکت کریر۔ صدر مملکت ممنون حسین تران کرسا پارے کہ اینو نا دے اسہ عزم اسے نا کسہ ئِ بیان کیک، او عزم ہرا یخین اٹ بدلینگا تو اونا واک برصغیر نا مسلمان تے قائد اعظم نا دوراندیش سروکی ٹی اسہ ہندن ئُ واک اس تس ہرانا جمہوری جہداٹی دنیا نا تاریخ و جغرافیہ ہڑتوم آ ک بدل مسر و بے سمت قوم ئِ اسہ صفا ئُ نظریاتی شناخت اس ملا۔ بساطِ جہان آ ہرانا نقش دائمی ئِ۔ اوپارے کہ اینو نا دے نن قیام پاکستان و سوگوی پاکستان کن سردھڑ نا بازی خلوک آ او شہید و غازی تے خراج عقیدت پیش کینہ و عزم کینہ کہ اوفتا نقش قدم آ چلینگسا وطن عزیزنا شونداری ، شونہالی و سالمیت کن ہروڑنا قربانی تننگک۔ پریڈ گراﺅنڈ اٹی عزم و ہمیت نا روشنائی آن چمکینگوک آ کنا جری ورناتا دروشم و اوفتا سلہہ غاتا چمک و دمک ننا ہندا عزم ئِ ظاہر کیک۔ صدر مملکت ممنون حسین پارے کہ نن بھارت تون مذاکرات کن تیار اُن و خوانہ کہ بشخ وپانٹ برصغیر نا بے پورو ایجنڈا یعنی کشمیر نا ویل ئِ اقوام متحدہ نا قرارداد آتا رداٹ ایسر کننگے۔ دامسخت کن پاکستان تینا کشمیری ایلم تا اخلاقی ، سیاسی و سفارتی مخ تفی ئِ ہمیشہ برجاتخک۔ اوپارے کہ پریڈ نا شاندار اڈتننگ آ ای اونا کمانڈر ، شرکائ، ہندی انتظامیہ و سی ڈی اے ئِ شاباشی ایتیوہ۔ ننے تینا افسر و ورناتا مستعدی ، بڑزکو عسکری معیار، گچین نظم و ضبط و جدید حربی سازوسامان تیا فخرئِ۔ ہندا جوش وجوزہ تون ملک وقوم انا رکھ ئِ کرسا کیر تانکہ اسہ سوگو، طاقتور و جمہوری پاکستان نا سوز ہلالی بیرک تابہ ابد سربلند مرے، آمین
