اسلام آباد۔ 23مارچ ( اے پی پی) درستیں ملک ئَ یوم پاکستان مرچی شریں وڑئَ گوازینگ بوت۔ روچ ئِ بندات بنجاہی دارالحکومت ئَ 31توپ ئُُ صوبائی دارالحکومت ئَ 21توپ آنی سلامی ئَ بوت۔ یوم پاکستان ئِ موہ ئَ شہری اانی جوش ئُُ جبزگ سیل کنگی انت۔ اسلام آباد ئَ شکر پڑیاں ئِ نزد پریڈ گراﺅنڈ ئَ سلاہ بندیں اُرد ئِ ھواریں پریڈ بوت۔ اے سال پریڈ ئِ ھاسیں خصوصیت چین ئِ پیپلز لبریشن آرمی ئِ سیئیں اُرد، سعودی عرب ئِ ھاسیں فورس ئِ دستگ ئُُ ترکی ئِ فوجی بینڈ ھواربوت۔ یوم پاکستانئِ پریڈ ئِ ھاتر ئَ ھاسیں بندئُُ بست کنگئَ انت اودا پاک فضائیہ ئِ طیارہ شریں فلائی پاسٹ کن انت اودا سلاہ بندیں اُرد ئِ لہتیں دستگ پریڈ پیش کن انت۔ سلاہ بندیں اُرد ئَ ھوار بوﺅکیں نوک تریں فوجی ساز ئُُ سامان، نوکیں میزائل ئُُ دفاعی چیز ئِ نمائشت ہم بوت۔ پریڈ ئَ پد ملی نغمہ آنی شریں پر فارمنس ئُُ پنجاب ، سندھ، بلوچستان، خیبر پختونخوا، گلگت بلتستان ئُُ آزاد کشمیرئِ دود ئُُ ربیدگی رنگ ہم تالان کنگ بوت۔
