اسلام آباد۔22مارچ( اے پی پی) راجی اسمبلی ئَ پاکستان انکوائری کمنشنز بل2017ئِ منظوری داتگ۔ چار شمبے ئِ روچئَ راجی اسمبلی ئِ اجلاس ئَ بنجاھی وزیر کانود زاہد حامد ئَ تحریک پیش کتگ کہ پاکستان انکوائری کمشنز بل 2017سینٹ ئَ منظور کتگیں شکل ئَ چارءُ بچارءُ باستءُ واست کنگ بہ بیت۔ سید نوید قمر ءُ شاہ محمود قریشی ئَ اعتراض کتگ کہ ایجنڈا ئِ دگہ کار پیسر ئَ کنگ بہ بنت۔ کانود ئِ بنجاھی وزیر زاہد حامد ئَ گشتگ کہ اولی ایجنڈا ئِ دگہ آئٹم گرگ بہ بنت ۔ مارا ھچ اعتراض نیست۔ راجی اسمبلی ئَ چہ پاکستان کمیشن آف انکوائری بل 2017ئِ تحریک ئِ منظوری ئَ پد اسپیکر ئَ بل ئِ دراھیں شق آنی سرئَ منظوری حاصل کتگ۔ بنجاھی وزیر زاہد حامد ئَ تحریک پیش کتگ کہ بل منگ بہ بیت۔ راجی اسمبلیئَ بلئِ منظوری داتگ۔
