اسلام آباد۔ 22مارچ (اے پی پی) مچ آ ملک اٹی یوم پاکستان اینو شان و شرف اٹ اڈتننگک۔ دے انا بناءبنجائی دارالحکومت اٹی 31 توپ و صوبائی دارالحکومت اٹی 21 توپ آتا سلامی آن مریک۔ یوم پاکستان نا وخت آ شاری تا جوزہ و جوزہ دیدنی ئِ۔ اسلام آباد اٹی شکرپڑیاں نا خڑک پریڈ گراﺅنڈ اٹی سلہہ بند فوج انا اسیجائی پریڈ مریک۔ داسال پریڈ نا نمان خصوصیت چین نا پیپلز لبریشن آرمی نا ہر مسٹ آ فوج، سعودی عرب نا خصوصی فورس انا دستہ و ترکی نا فوجی بینڈ اوار مریک۔ یوم پاکستان نا پریڈ کن خصوصی بست و بند کننگ انگ ئِ، ہراڑے پاک فضائیہ نا جہاز شاندار فلائی پاسٹ کیک ہموڑے سلہہ بند فوج انا چندی دستہ غاک پریڈ پیش کیرہ۔ سلہہ بند فوج اٹی اوار مروک آ پوسکن انگا فوجی سازوسامان ، پوسکن آ میزائل و دفاعی ازباب آتا نمائش ہم مریک۔ پریڈ آن پد ملی نغمہ غاتیا شاندار پرفارمنس و پنجاب، سندھ، بلوچستان ، خیبر پختونخوا ، گلگت بلتستان و آزاد کشمیر نا دودوربیدہ ہی رنگ ہم تالان کننگک۔
