راولپنڈی۔ 22مارچ (اے پی پی) پاک فوج انا آپریشن ردالفساد اٹی اورکزئی ایجنسی ٹی کالعدم تحریک طالبان پاکستان (ٹی ٹی پی) نا بے کچ درکار کمانڈر تون اوار 5 دہشت گرد خلنگار، اسہ ایلو آ سم کاری ٹی پاک فوج انا میجر و سپاہی جام شہادت ئِ نوش کریر۔ پاک فوج انا شعبہ تعلقات عامہ (آئی ایس پی آر ) نا رداٹ ایف سی خیبر پختونخوا اورکزئی ایجنسی نا خلق میرک کلیاں ٹی احوال آتیا مبنی آپریشن کریر ہراٹی بے کچ درکار ٹی ٹی پی کمانڈر دران و اونا 4سنگت خلنگار۔ اسہ ایلو آ سم کاری ٹی پاک فوج انا میجر مدثر و سپاہی مطیع اللہ شہید مسر۔ آئی ایس پی آر نا رداٹ ٹی ٹی پی کمانڈر دران دہشت گردی نا چندی کارروائی تیٹی اوار ئس ہرادے اوغانستان آن اینو اورکزئی ایجنسی ٹی مروک آ نوروز جلوس آ جلہو و سلہہ بٹوک آ فراری تے ہدف جوڑ کننگ نا ٹاسک ترسا گدریفنگاسس۔

متعلقہ مضامینمصنف کی طرف سے مزید