اسلام آباد۔21مارچ( اے پی پی) مزن وزیر محمد نواز شریف ءَ گوں برطانوی تہی کارانی وزیر امبر رڈ ءَ سئے شمبےءِ روچءَ مزن وزیر گس ءَ گندءُ نند کتگ۔ مزن وزیرمحمد نواز شریف ءَ برطانوی تہی کارانی سیکرٹری ءَ را وش اَتک کتگ ءُ برطانوی مزن وزیر تھریسامے ءَ گوں ستمبر2016ءَ اقوام متحدہ ءِ جنرل اسمبلی ءِ اجلاس ءِ موھءَ نیویارک ءَ بوتگیں وتی تعمیری گندءُ نندءِ گپ کتگ۔ آئی ءَ گشتگ کہ پاکستان ءُ برطانیہ ءِ سیادی یک وڑیں را ج دپتر ءُ اُلس ءِ درنیامءَ مھکمیں نزیک آنی بنیات ءَ اِنت ءُ پاکستان ءُ برطانیہ ءِ درنیامءَ باپار، زرکاری، امن ءُ ایمنی ءُ دیمروئی ءِ ھاترءَ کمک ءِ ھوالگءَ نزیکیں شریدار ی اَست۔
