اسلام آباد۔21مارچ( اے پی پی ) مزن وزیر محمدنواز شریف ءَ گشتگ کہ پاکستانءِ معیشت جوانیں بحالیءِ گوما مھکم بوتگ ءُ اے 2013ءَ انوگیں حکومتءَ را دیمپانی کتگیں جیڑھ آں ابید گشادی ءِ گوما دیمروئی کنگ ءَ اِنت، پاک۔ چین اقتصادی راہداری ءِ ردءَ بازیں منصوبہ جاتءِ سرءَ گشادی ءِ گوما کار کنگ بوھگءَ اِنت کہ ایشانی سرجم بوھگءَ ھاس پاکستان ءُ خطہ ءَ را سک باز پاھدگ بیت۔ آئی ءَ اے ھیالانی درشانی سے شمبے ءِ روچءَ پاکستان مسلم لیگ(ن) ءِ مزن گسی پارٹی ءِ اجلاسءِ سروکی کنانءَ کتگ۔ مزن وزیر ءَ گشتگ کہ آئیءِ حکومتءَ لین ءِ پدمنتگی ءَ را ھلاس کنگ ءُ پاکستان ءَ مواصلاتی نزیکی ءَ را گیش کنگءِ ھاترءَ توانائی ءُ بنکی ڈھانچہ ءِ مزنیں مزنیں منصوبہ بندات کتگ اَنت۔
