اسلام آباد ۔21 مارچ(اے پی پی) قومی اسمبلی ئَ مزن وزیر محمد نواز شریف ئُُ اپوزیشن لیڈر سید خورشید شاہ ئِ نیام ئَ سئے شمبے ئَ دوت ئُُ دراھ بوت اَنت ئُ آواں یک ئِ دمیگ ئَ گوں دل وشی ئِ درشان کُت۔ مزن وزیر محمد نواز شریف وھد ئِ ایوان ئَ اتک گڈا باسک آں ڈیسک جت ئُُ آرا وش اتک کُت۔ اے وھد ئَ ایوان ئِ تہ ئَ اپوزیشن ئِ باسک ساڑی اَتنت بلے وھد ئِ اپوزیشن لیڈر سید خورشید احمد شاہ ایوان ئَ اتک گڈا آ مزن وزیر ئِ سیٹ ئِ سر ئَ شُت۔ آئی ئَ مزن وزیر ئَ گوں پچیں روح ئَ دست ملارین ئُُ کائی کُت۔ مزن وزیر ئِ ایوان ئَ ساڑی بوھگ ئِ نپ چست کنان ئَ ایم کیو ایم ئِ باسک ئَ قومی اسمبلی ئِ باسک ساجد احمد ئِ سرﺅکی ئَ مزن وزیر ئَ گوں گند ئُُ نند کُت۔ اے موہ ئِ سر ئَ بُنجاھی وزیر آفتاب احمد ئُُ احسن اقبال ھم ساڑی اتنت۔ مزن وزیر ئِ ایوان ئَ ساڑی بوھگ ئِ ساھت ئَ ایندگہ گل آنی باسک آنی مزنیں کساس ئَ مزن وزیر محمد نواز شریف ئِ کِررا شُت ئُُ دوت ئُُ دراھ کُت۔

متعلقہ مضامینمصنف کی طرف سے مزید