اسلام آباد۔ 21مارچ (اے پی پی) اسلام آباد و راولپنڈی تون اوار صوابی و ایبٹ آباد نا ایب وکیب اٹی 5.1 شدت نا زمی جمب نا لوڈو محسوس کننگا۔ زمی جمب نا احوال تروک آ بنجانا رپورٹ نا رداٹ سے شنبے نا دے 11بجہ ئُ 56 منٹ آ اسلام آباد و راولپنڈی تون اوار خیبر پختونخوا نا چندی علاقہ مانسہرہ، واہ کینٹ، صوابی و ایبٹ آباد نا ایب و کیب اٹی زمی جمب نا لوڈو محسوس کننگا۔ خلقت اٹی خلیس اس تالان مس و خلقت نا بھلو کچ اس کلمہ ئِ کشسا اُراو دفتر آتیان پیشن پیش تمار۔ ریکٹر اسکیل آ زمی جمب نا شدت 5.1 ریکارڈ کننگا ہرانا بنجاکوہ ہندو کش ئس۔ زجمی جمب آن پد ہچ ئُ جانی و مالی نسخان اسے نا احوال ملتنے۔
