اسلام آباد۔ 21مارچ (اے پی پی) وزیراعظم محمد نواز شریف تون پاکستان اٹی سعودی عرب نا سفیر عبداللہ مرذوق سے شنبے نا دے داڑے وزیراعظم ہاﺅس اٹی اوڑدہی کرے۔ وزیراعظم پاکستان و سعودی عرب نا نیام اٹ خوشگوار برادرانہ تعلقداری تے پین سوگو جوڑ کننگ کن سبکدوش مروک آ سعودی سفیر نا کوشست آتا ستائِ کرے۔ اوپارے کہ پاکستان و سعودی عرب نا نیام اٹ خڑکی تعلقداری ئِ و چندی جہانی و علاقائی و تین پہ تینی است خواہی نا معاملہ غاتیا ہڑتوم آملک آک اسہ وڑ سجفرہ۔ اوپارے کہ ہڑتوم آ مسلم ریاست آک ہر مشکل و آزمائش نا ساہت اٹی اسہ ایلو تون تفینوو پاکستان نا الس سعودی عرب تون ننا سوگو تعلقداری تے بھاز اہمیت ایتک۔ وزیراعظم سبکدوش مروک آ سفیر کن نیک است خواہی تا درشانی ئِ کرے۔ اوخادم الحرمین الشریفین شاہ سلمان عبدالعزیز السعود و سعودی عرب نا الس نا شونداری و شونہالی کن نیک است خواہی تا درشانی ئِ کرے۔ سعودی سفیر عبداللہ مرذوق پاکستان اٹی اڈ کننگ نا وخت شاندار میزبانی آ وزیراعظم نا منت واری ئِ اداکرے۔
