اسلام آباد۔ 20 مارچ (اے پی پی) پاک بالی اُرد ئِ سروک ایئر چیف مارشل سہیل امان ئَ گوں پولش نیوی ئِ انسپکٹر، رئیرایڈمرل میرازلوف موردل ئَ ائیر ہیڈ کوارٹرز اسلام آباد ئَ گند ئُُ نند کُت۔ پاک بالی ئِ ترجمان ئِ رد ئَ مڈاھداریں مہمان آں ایئر ہیڈ کوارٹر ئَ پاک بالی ئِ سروک ائیر چیف مارشل سہیل امان ئَ مڈاھداریں مہمان آناں وش اَتک کُت۔ آوانی رسگ ئَ پاک بالی ئِ ورنا آں آرا گارڈ آف آنر پیش کُت۔ مڈاھداریں مہمان آں پاک بالی ئِ شہید آناں سلامی پیش کنگ ئِ ھاترا ائیر ھیڈ کوارٹر ئَ یاتگیریں پُلانی چادر ئِ پر دات۔ ایشی ئَ ابید پرنسپل سٹاف آفیسر ئَ را گوں مہمان آں پجاروکی کنائینت۔ رئیرایڈمرل میرازلوف موردل ئَ پاک بالی اُرد ئِ سروک ائیر چیف مارشل سہیل امان ئَ گوں آئی ئِ کارگس ئَ گند ئُُ نند کُت ئُُ کزبی کار آنی بابت ئَ واھگ ئِ درشان ئُُ ھیال ریچی کُت۔ اے گپ ئُُ تران ئِ تہ ئَ دوئیں ملک آنی نیام ئَ یکوئی ئُُ تپاکی ئَ را گیش مھکم کنگ ئِ جیڈھ باست ئُُ واست کنگ بوت اَنت۔ اے موہ ئِ سر ئَ دوئیں مڈاھدار آں سوگات یک ئُُ دگرئَ دیوکائی کُت۔
