اسلام آباد۔20مارچ( اے پی پی) پاک بحریہ ءِ سروک ایڈمرل محمد ذکاء اللہ ءَ گوں پولینڈ نیوی ءِ سروک ریئر ایڈمرل میروسلامورڈل ءَ گندءُ نندکتگ۔ پاک بحریہ ءِ جارچین ءَ گشتگ کہ پاک بحریہ ءِ سروک ایڈمرل ذکا ء اللہ ءِ دعوت ءِ سرءَ پاکستانءِ سرکاری ترءُ تابءَ اَتکگ پولینڈ نیوی ءِ سروک ءَ نیوی ہیڈکوارٹرزءِ ترءُ تاب کتگ۔ پاک بحریہ ءِ سروک ایڈمرل محمد ذکاء اللہ ءَ ریئر ایڈمرل میروسلا مورڈل ءَ را وش اَتک کتگ۔ پاک بحریہ ءِ ورناھ آں مڈاداریں مہمان ءَ را سلامی پیش کتگ۔ سلامی ءَ پد ھاسیں مہمان ءِ نیول ہیڈکوارٹرز ءَ تعینات پرنسپل سٹاف آفیسرز ءَ گوں پجار کنائینتگ ۔ ایشی ءَ چہ پد پولینڈ نیوی ءِ سروک ءَ پاک بحریہ ءِ سروکءَ گوں گندءُ نندکتگ۔ گندءُ نندءِ تہا کسبی امور ءُ بازیں تک ءُ پھناتانی سرءَ بحری کمکءِ سرءَ الکاپی ءَ ھیال ءُ لیکہ ءِ درشانی کنگ بوتگ۔ ھاسیں مہمانءَ را پاک بحریہ ءِ آپریشنل تیاریانی سرءَ یک الکاپیں گوشتانکے دیئگ بوتگ۔
