سپاٹ فکسنگ ئَ ھوار بوھوکیں کرکٹ کنوک آنی نام ای سی ایل ئَ مان کنگ ئِ منظوری
شرجیل خان، خالد لطیف، ناصر جمشید، شاہ زیب حسن خان ، محمد عرفان ھوار
نادرا ئِ وتی ماڑی ئِ بندگ ئِ ھاترا سرکاری زمین آناں ٹک ئُُ نشان کنگ بہ بیت
اسلام آباد۔ 20 مارچ (اے پی پی) وزیر ئِ تہی کار چوہدری نثار علی خان ئَ سپاٹ فکسنگ ئَ ھوار بوھوکیں کرکٹ کنوک آنی نام ای سی ایل ئَ مان کنگ ئِ منظوری دات۔ تہی کارانی وزیر ئَ ہدایت کُت کہ سپاٹ فکسنگ ئَ ھوار یں لیبی آنی ھلاپ ئَ کاروائی کنگ بہ بیت ھرکس کہ اے سلئیں کار ئَ ھوار بوتگ۔ اے پیسلہ وازیر ئِ تہی کار چوہدری نثار علی خان ئِ پاگواجئی ئَ مزن تک ئِ دیوان ئَ کنگ بوت۔ دیوان ئِ تہ ئَ سیکرٹری تہی کار ایڈووکیٹ جنرل، نادرا، پی ٹی اے، ایف آئی اے ئُُ وزارت تہی کار ئِ کلانئیں اپسرگ ھوار اتنت۔ ای سی ایل ئِ لڑ ئَ ھوار بوھوکیں لیبی آنی تہ ئَ شرجیل خان، خالد لطیف، ناصر جمشید، شاہ زیب حسن خان ئُُ محمد عرفان ھوار اَنت۔سپاٹ فکسنگ ئِ جیڈھ ئِ سر ئَ ایف آئی اے ئِ کارندہ ئِ نیمگ ئَ وزیر ئِ تہی کار ئَ را گوشگ بوت خالد لطیف ئُُ محمد عرفان ئَ ایف آئی اے ئِ بیان ریکاٹ کُت اَنت ئُُ بچ اِتگیں لیبی وتی وتی بیان ئَ باندا ریکاٹ کن اَنت۔ وزیر ئِ تہی کار ئَ پی ٹی اے ئِ کارندہ آناں پنت ئُُ شون داتگ کہ کرکٹ ئَ جوا جنوک آناں دلبڈی دیوکیں توامیں ویب سائیٹ آناں بندش جنگ ئِ گامگیج کنگ لوٹیت تانکہ ایشی ئِ گر ئُُ دار المی بہ بیت۔ آئی ئَ اے جیڈھ ئِ پٹ ئُُ پول الکاپی ئَ کنگ ئِ حکم دات ئُُ گوشت کہ کُتہ کار آناں جزا دیگ اِچ کم ئُُ گیشی کنگ مہ بیت۔ ایف آئی اے ئِ کارندہ آں نادرا بلڈنگ کیس بابت ئَ استیں وھد ئِ گامگیج آنی بابت ئَ سرپد کُت۔ تہی کارانی وزیر ئَ پنت ئُُ شون کُت کہ آیوکیں وھد ئَ نادرا کارگس آنی واستہ ماڑی کرایہ زورگ ئِ مٹ ئَ وتی ماڑی جوڑ کنگ ئَ را ترجی دیگ بیت۔ تہی کارآنی وزری ئَ نادرا ئِ کاندہ آناں ہدایت کُت کہ نادرا وتی ماڑی جوڑ کنگ ئِ واستہ سرکاری زمین آناں نشان بہ دنت۔ دیوان ئِ تہ ئَ برطانوی ہوم سیکرٹری ئِ تر ئُُ تاب پاکستان ئِ ھوالگ ئَ سیکیورٹی انتظامی ئُُ تر ئُُ تاب ئِ ساھت ئَ امیگریشن، کاﺅنٹر ٹیرارزم ئُُ ہیومن ٹریفکنگ ئِ وڑیں بازیں جیڈھ آنی تہ ئَ کمک کنگ ئِ دو نیمگی منوگری ئِ سر ئَ چار ئُُ بچار کنگ بوت۔
