اسلام آباد۔19مارچ (اے پی پی):سپیکر راجی اسمبلی اسد قیصر ءَ گوشت کہ اچ چاگرد وانگ ءُ زانگ ءَ ابید دیمروئی کت نہ کنت، نودربر مئے ملک ءِ روشنائیں آیوکیں باندات انت ءُ استیں حکومت ملک ءَ وانگ ءُ زانگ ءَ ابید دیمروئی ءِ واستہ ترجی داتگیں بنیات ءَ گامگیج چست کنگ ءَ انت۔ اے ھیالانی درشانی آئی ءَ تران کنان ءَ کت آئی ءَ آدینگ ءِ روچ ءَ پارلیمنٹ گس ءَ آئی ءَ گوں گند ءُ نند ءَ کت۔ گند ءُ نند ءَ صوبائی مزن وزیر وانگ ءُ زانگ شہرام ترکئی ھم ساڑی ات۔
سپیکر اسد قیصر نے ءَ گوشت کہ وانگ ءُ زانگ ءِ گہتریں ءُ نوکیں آسراتی آنی پجاری مئے ترجی انت۔ آئی ءَ گوشت کہ ضلع صوابی ءَ وانگ ءُ زانگ ءِ دیمروئی مے زندمان ءِ مشن انت اے مشن ءِ سرجم کتگ ایمنی ءَ نہ ننداں۔ آئی ءَ گوشت کہ خیبر پختونخوا ءَ وانگ ءُ زانگ ءِ دیمروئی ءِ واستہ ھمک رنگیں گامگیج چست کتگ ایشی ءِ اندر ءَ اسکول، کالجز ءُ یونیورسٹٰ آنی برجائی ءُ ایشانی اپگریڈیشن ھوار انت۔
آئی ءَ گوشت کہ اللہ تعالی ءِ کمک ءَ چہ زوت ما کورونا ءِ جیڈھ آنا گر ءُ دار کنگ ءَ کامیات باں۔ پروفیسر ڈاکٹر شاہانہ عروج کاظمی ءَ صوابی ءَ وانگ ءُ زانگ ءِ دیمروئی ءِ واستہ اسد قیصر ءِ کلیتی کرد ءِ پد ءَ آرا توسیپ ءُ ستا پیش کت۔
