اسلام آباد۔ 18 مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر کورونا کیس آتیٹی ودکی نا رداٹ سخت پابندی خلنگ نا عندیہ ترسا الس ءِ خبڑدار کرینے کہ خیال کبو کورونانا پوسکن آ ریسہ ترندی اٹ تالان مننگ ءِ و زیات مہلک ءِ۔ بنجائی وزیر اسد عمر تینا ٹویٹ کلہو اٹی پارے کہ کورونا کیس آتیٹی ترندی اٹ ودکی مننگ ءِ و اوڑتون اوار ہسپتال آتیٹی داخل و انتہائی نگہداشت والا ناجوڑ اتا کچ ودنگ ءِ۔ اسد عمر نا پاننگ ئس کہ ایس او پی تیا عمل جوان متو تو سرجزآتیا سخت پابندی خلنگ آ بیوس مرینہ، خیال کبو کورونا نا پوسکن آ ریسہ ترندی اٹ تالان مننگ ءِ و زیات مہلک ءِ۔
