اسلام آباد۔ 18 مارچ (اے پی پی) چین پاکستان اقتصادی راہداری نا بارواٹ پارلیمانی کمیٹی نا دیوان شیر علی ارباب نا کماشی ٹی کراچی ٹی اڈ ہلک، داوخت آشیر علی ارباب چین پاکستان اقتصادی راہداری نا ڈٹ آتا وخت آ پوروی نا گرج آ زور شاغا۔ دیوان ءِ تھرکول، خصوصی اقتصادی زون، کراچی سرکلرریلوائی، کے ٹی بندر ڈٹ، بس ریپڈ ٹرانزٹ و ایلو ڈٹ آتیٹی پیش رفت نا بارواٹ حوال تننگا۔ چیف سیکرٹری سندھ سید ممتاز علی شاہ کمیٹی ءِ پارے کہ تھر آن 660 میگاواٹ ودکی بجلی داسال قومی گریڈ اٹی اوار کننگک۔
