اسلام آباد۔17مارچ (اے پی پی):صدرمملکت ڈاکٹر عارف علوی ءَ پاک فضائیہ ءِ سروک ائیر چیف مارشل مجاہد انور خان ءَ را نشان امتیاز سول ءِ داد داتگ، اے داد آئی ازمت ءُ آپریشن “سوئفٹ ریٹارٹ” ءِ کامیاتی ءِ وسیلگ ءَ پاکستان ءِ الس آنی مورال ءَ را برز ءُ بلند کنگ رد ءَ دیگ بوتگ۔ اے ھوالگ ءَ چار شمبے ءِ روچ ءَ ادا ایوان ءِ صدر ءَ یک مراگش ءِ برجم دارگ بوت۔ مراگش ءَ وزیر ءِ دیمپانی پرویز خٹک، زالبول ءِ اول بیگم ثمینہ علوی، ٹوھ ٹوھیں اردی کارندہ آں بھر زوری کت۔ چیف آف ائیر سٹاف ائیر چیف مارشل مجاہد انور خان نشان امتیاز ملٹری ءَ 1983 پاک فضائیہ ءَ فائٹر پائلٹ ءِ بستار ءَ ھوار بوتگ۔ آئی ءَ فائٹر سکوارڈن ءِ سروکی کت ءُ بیس کمانڈر پی اے ایف شہباز ، بیس کمانڈر پی اے ایف مصحف، ایئر آفیسر کمانڈنگ ءُ سینٹرل ریجنل ایئر کمانڈ وھدیکہ ڈپٹی چیف آف ایئر سٹاف (سپورٹ) ءُ ڈپٹی چیف آف ایئر سٹاف (آپریشنز) ءِ بستار ءَ کار کتگ۔ ائیر چیف مارشل مجاہد انور خان ءِ مبیٹ کمانڈرز سکولز، کمانڈ اینڈ سٹاف کالج اردن ءُ نیشنل ڈیفنس یونیورسٹی اسلام آباد ءَ چہ گریجویٹ کتگ۔ آئی ءَ وارسٹڈیز اینڈ ڈیفنس منیجمنٹ ءَ ماسٹرز کتگ۔ ائیر چیف مارشل مجاہد انور خان ءَ را جمہوریہ ترکی ءِ حکومت ءِ نیمگ ءَ “دی لیجن آف میرٹ میڈل” ءِ داد داتگ۔ آئی ءَ 19 مارچ 2018 ءَ پاک فضائیہ ءِ سروک ءِ بستار ءَ وتی ازمت پیلو کتگ انت۔
