کوئٹہ۔ 16 مارچ (اے پی پی) گورنر بلوچستان امان اللہ خان یاسین زئی پارینے کہ مچ آ صوبہ نا الیکٹرانک و پرنٹ میڈیا نا نمائندہ غاک بلوچستان نا گچین دروشم ءِ تالان کننگ اٹ گچین ءُ کڑد اس مسنے۔ داخیال آتا درشانی ءِ او سے شنبے نادے آ بلوچستان یونین آف جرنلسٹ نا صدر سلمان اشرف نا کماشی ٹی اوڑدہی ٹی گپ وتران کرسا پارے۔ گورنر بلوچستان امان اللہ خان یاسین زئی پارے کہ میڈیا نئے بیرہ انٹرٹینمنٹ نا گچین ءُ ذریعہ اسے بلکن علم و دانش اسکان رسینگ نا اسہ متبر وسیلہ اس ہم ارے۔ گورنر بلوچستان امان اللہ خان یاسین زئی مستی پارے کہ الس اٹ حق و فرض انا احساس تالان کننگ اٹ صحافی خواجہ غاتا کلیدی کڑد ءِ۔ اوپارے کہ ڈیوٹی ٹی تینا جان تے ندر کروک آ صحافی خواجہ غاتا بھلو خذمت و قربانیک خراج تحسین نا حقدار ءُ۔ گورنر بلوچستان اوفتا مون تروک ویل و مشکل آتا پائیدار ایسری کن ہروڑنا کمک نا باوری کرفے۔
