اسلام آباد۔15مارچ (اے پی پی): بنجاھی وزیر وانگ ءُ زانگ ءُ ھیل کاری شفقت محمود ءَ گوشت کہ ملک ءَ ساپ ءُ سلہ ایں گچین کاری ءَ را دل یکیمی کنگ ءِ واستہ استیں الیکشن کمیشن استعفی بدنت، نوکیں الیکشن کمیشن ءِ جوڑ کنگ بہ بیت۔ دوشمبے ءَ آئی ءَ پی آئی ڈی ءَ پریس کانفرنس ءَ گوں تران کنان ءَ کت۔ اے موہ ء، سر ءَ سینیٹر شبلی فراز ءُ بنجاھی وزیر سائسن اینڈ ٹیکنالوجی چوہدری فواد حسین ھم ساڑی ات۔ شفقت محمود ءَ گوشت کہک استیں الیکشن کمیشن ءِ سر ءَ اچ کس ءِ دل یکیمی نیست انت آئی ءَ وتی یکیم ءُ شرپ ءَ را بیران کتگ۔ آئی ءَ گوشت کہ الیکشن کمشنر ءُ ممبر استعفا بدینت تانکہ آوانی جاہ ءَ نوکیں الیکشن کمیشن پوسٹنگ کنگ بہ بیت ءُ آیوکیں گچین کاری ءَ را ساپ ءُ سلہ دل یکیمی کنگ بہ بیت۔ آئی ءَ گوشت کہ سینیٹ ءِ گچین کاری ءَ توامیں گل نہ وش انت، مزن وزیر عمران خان ءِ پیسر ءَ چہ لوٹ بوتگ کہ سینیٹ گچین کاری ءَ ھرچی کہ منڈی لگ انت ءُ ایشاناں ھلاس کنگ بہ بیت۔ آئی ءَ گوشت ھمے ھاترا اوپن بیلٹ ءِ شور ءُ سلاھ دیگ بوتگ ات۔
