اسلام آباد۔15مارچ (اے پی پی): مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ءَ گوشت کہ میاں اوستمانی برات ھاسیں رنگ ءَ ورلڈ اکنامک فورم (ڈبلیو ای ایف) ءَ ایٹماسپیئر ءِ ھرابیں رند پد آنی گر ءُ چیل بوھگ ءِ واستہ مزن وزیر عمران خان ءِ کرد ءَ را ساڑاتگ، دگنیا ءَ مزن 2وزیر ءَ ساپ ءُ سرسبزیں پاکستان ءِ وژن ءَ را من اتگ۔ دو شمبے ءَ جندی ٹی وی چینل ءَ گوں تران کنان ءَ آئی ءَ گوشت کہ دگنیا ءِ بازیں ملک جتا جتائیں موسمی مٹ ءُ بدلی رند پد آں گوں گر ءُ چیل بوھگ ءِ واستہ تجروبت ءِ واستہ پاکستان ءَ گوں نزیکی کنگ ءَ اَنت۔ ملک امین اسلم ءَ حکومت ءِ منوگر کتگیں سیم سر آنی ھوالگ ءَ تران کنان ءَ گوشت کہ ما پاکستان ءِ جتا جتائیں دمگ آنی کشتگیں سئے ارب درچک آنی کشگ ءِ گیشینتگیں ھد ءُ ابیل در جنگ ءِ واستہ کار جاڑی انت۔ ایش 2023 ءَ گڈ بنت ءُ سیم سر سرجم بنت۔ یک دگہ جستے ءِ پسو ءَ آئی ءَ گوشت کہ انگلینڈ، امریکہ ءُ نیوزی لینڈ ءَ ھوار جتا جتائیں ملک کلین ءُ سر سبز پاکستان ءِ وژن ءِ نمونگ ءَ منصوبگ آنی سر ءَ کار کنگ ءَ انت۔
