اسلام آباد۔ 15 مارچ (اے پی پی) وزیراعظم عمران خان اینو دوشنبے نادے آ ضلع نوشہرہ غان زیتون نا شجرکاری مہم نا بناءِ کیک۔ وزیراعظم آفس نا میڈیا ونگ آن جاری بیان نا رداٹ زیتون نا شجرکاری 10 بلین ٹری سونامی پروگرام نا بشخ مریک ہراٹی مچ آ ملک اٹی جوان انگا ہند آتیا زیتون نا شجرکاری کننگک۔ زیتون نا دسنگ ءِ مون آ دننگ حکومت نا اولیت آتیٹی اوار ءِ ہراڑآن نئے بیرہ کشارگرآک شونہال مریرہ بلکن داڑآن نہادی زرمبادلہ ہم بچت مریک۔ داوخت آ وزیراعظم ءِ حوال تننگک و وزیراعظم گپ وتران ہم کیک۔