اسلام آباد۔ 15 مارچ (اے پی پی) وزیراعظم عمران خان پارینے کہ بلوچستان و مسکوہی قبائلی علاقہ غاتیان چیئرمین و ڈپٹی چیئرمین سینیٹ نا گچین کاری مستین اٹ گوجالنگوک آ علاقہ غاتا الس کن شرف نا ہیت اسے داڑآن بنجا پین سوگو مریک۔ اوداخیال آتا درشانی ءِ چیئرمین سینیٹ محمد صادق سنجرانی و ڈپٹی چیئرمین مرزا محمد آفریدی تون گپ وتران کرسا کرے ہرافک دوشنبے نادے آ اوڑتون اوڑدہی کریر۔ وزیر دفاع پرویز خٹک ہم اوڑدہی ٹی ساڑی ئس۔ وزیراعظم چیئرمین و ڈپٹی چیئرمین سینیٹ ءِ سرسہبی آ مبارکبادی تس۔ اوپارے کہ بڑزکو ایوان اٹ بلوچستان و مسکوہی قبائلی علاقہ غاتیان تعلق تخوک آ راہشون تا سرکڑدہ ئی نئے بیرہ ہمو علاقہ غاتا الس کن شرف نا ہیت اسے ہرافتے مستین اٹ گوجالسا کرسا کننگا بلکن دا بنجانا پین سوگوی نا سوب مریک۔ وزیراعظم اومیت ظاہر کرے کہ چیئرمین سینیٹ تینا ارٹ میکو دور اٹ بڑزکو ایوان نا زمواری تے ہمووڑ جوانی اٹ ادا کرسا کیک ہراوڑجوانی اٹ مستین اٹ اوتینا زمواری تے سرتس۔ وزیراعظم چیئرمین و ڈپٹی چیئرمین سینیٹ کن نیک است خواہی تا درشانیءِ کرے۔
