نوشہرہ۔ 15 مارچ (اے پی پی) وزیراعظم عمران خان دوشنبے نادے آ نوشہرہ ٹی زیتون نا شجرکاری مہم نا بناءِ کرینے۔ داوخت آ وزیر دفاع پرویز خٹک، وزیراعظم نا خصوصی کمکار موسمیاتی بدلی ملک امین اسلم، گورنر خیبرپختونخوا شاہ فرمان، وزیراعلیٰ خیبرپختونخوامحمود خان ئسک ہم ساڑی ئسر۔ وزیراعظم ءِ گورنرخیبرپختونخواہ شاہ فرمان و وزیردفاع پرویزخٹک ئسک حوال تسر۔ وزیراعظم زیتون نا نیال اس خلسا زیتون شجرکاری مہم نا بناءِ کرے۔ زیتون نا شجرکاری 10 بلین ٹری سونامی پروگرام نا بشخ ءِ ہراٹی مچ آ ملک اٹی جوان انگا ہند آتیا زیتون نا شجرکاری کننگک۔ زیتون نا دسنگ ءِ مون آ دننگ حکومت نااولیت آتیٹی اوار ءِ ہراڑآن نئے بیرہ کشارگرآک شونہال مریرہ بلکن داڑآن نہادی زرمبادلہ نا ہم بچت مریک۔
