اسلام آباد۔ 15 مارچ (اے پی پی) صدر مملکت ڈاکٹر عارف علوی اومیت ظاہر کرینے کہ پوسکن گچین مروک آ چیئرمین سینیٹ صادق سنجرانی مستین آنبار تینا زمواری تے جوانی اٹ سرایتک۔ داہیت ءِ او دوشنبے نادے آ چیئرمین سینیٹ صادق سنجرانی تون اوڑدہی ٹی پارے۔ ایوان صدر نا پریس ونگ آن جاری بیان نا رداٹ اوڑدہی ٹی وزیر حوالکاری سینیٹر شبلی فراز و بلوچستان آن گچین مروک سینیٹر ثمینہ ممتاز ئسک ہم ساڑی ئسر۔ صدر مملکت چیئرمین سینیٹ ءِ دُوارہ گچین مننگ آ مبارکبادی تس۔ صدر مملکت سینیٹر شبلی فراز و سینیٹر ثمینہ ممتاز ءِ ہم سینیٹر گچین مننگ آ مبارکبادی تس۔ صدر مملکت پارے کہ اومیت ءِ کہ چیئرمین سینیٹ مستین آنبار تینا زمواری تے جوانی اٹ سرایتک، صدر مملکت چیئرمین سینیٹ و سینیٹر آتیکن نیک است خواہی نا درشانی ءِ کرے۔
