لاہور۔ 15 مارچ (اے پی پی) وزیراعظم عمران خان نا خصوصی کمکار ڈاکٹر شہباز گل پارینے کہ کرینگ نا ورندی ءِ کرینگ اٹ تفنہ، مریم نواز ءِ پارین کہ نن کس اسے آن خلوک ءُ افن، نا کارندہ غاتے سمجھائفنہ۔ لاہور ہائیکورٹ اٹ پیشی آن پد میڈیا تون گپ وتران کرسا اوپارے کہ خاندانی ءُ بندغ اُن۔ داوڑنا حرکت نا ورندی ءِ داوڑ تفنہ۔ کنے عدالت بٹنگک تو ضرور بریوہ، نمے آنبار بہانہ کپرہ۔ ای عدالت اٹ ایف آئی اے نا پک دستاویز تسٹ۔ پک دستاویز آتا بنداو آ ای مقدمہ درج کرفیٹ۔ مقدمہ نا درج کننگ کن اثرورسوخ ءِ کاریم اٹ اتوٹ۔ خصوصی کمکار ڈاکٹر شہباز گل نا لاہور ہائیکورٹ اٹی پیشی نا وخت آ ن لیگ نا کارندہ غاک اوڑآ خوائے خسار و مخالفانہ نعرہ خلکر۔ پولیس خصوصی کمکار آ خوائے خسوک آ ن لیگی کارندہ غاتے دزگیرکرے۔
