اسلام آباد۔ 13مئی (اے پی پی) وزیراعظم نا سلاہکار خارجہ امور سرتاج عزیز پارینے کہ مچ آ دنیا و اقوام متحدہ تون اوار انسانی حق انا غٹ ادارہ غاک مطیع الرحمان نظامی نا پاہو تننگ نامذمت ئِ کرینو۔ بنگلہ دیش اٹی غیر منصفانہ ٹرائل کننگ انگ ئِ۔ دونیم مسہ سال آن بنگلہ دیش اٹی دا عمل جاری ئِ، دامعاملہ غاتے انسانی حق کونسل و جہانی برادری تون چست کینہ۔ بنگلہ دیش نا ساڑی آ گام گیج آتے اسلامی دنیا ٹی ہم پذیرائی ملتو۔ جمعہ آ ایوان بالا ٹی السی اہمیت نا معاملہ غا شرہ ٹی بشخ ہلسا سلاہکار خارجہ سرتاج عزیز پارے کہ باسک آک ہراجوزہ غاتا درشانی ئِ کرینو۔ دا مچ آ دنیا نا ترجمانی ئِ کیرہ، مطیع الرحمان کون آ عالم دین نا شہیدی آ غٹ آن است آک غمزدہ ئُ دونیم مسہ سال آن بنگلہ دیش اٹی داعمل جاری ئِ۔ مچ آدنیا ٹی اونا مذمت ئِ کننگ انگ ئِ۔ یو این سیکرٹری جنرل و انسانی حق انا غٹ ادارہ غاک اونا مذمت ئِ کرینو۔ ترکی بنگلہ دیش آن سفیر ئِ پدی خوائیفینے وسخت برانز کرینے۔ بنگلہ دیش اٹی غیر منصفانہ ٹرائل کننگ انگ ئِ، پارلیمان تون جج آتے مر کننگ نا طاقت ارے ہنداخاطران داوڑنا فیصلہ بننگئِ۔ ہیومن رائٹس کونسل و جہانی برادری تون دامعاملہ ئِ چست کینہ۔ پاکستان و بنگلہ دیش مسکوہی ئِ گیرام کرسا مون آ اُننگ نا معاہدہ ئِ کریسر سیاسی مخالفین آتے ہدف جوڑ کننگ انگئِ۔ قومی اسمبلی، پنجاب اسمبلی و کے پی کے اسمبلی مذمتی قرارداد منظور کرینو و نن بنگلہ دیش آن سخت برانز کرینن۔ بنگلہ دیش و پاکستان ناالس نا نیام اٹ رابطہ غاتے ٹی اڑاند ئُ، بنگلہ دیش نا ساڑی آ گام گیج آک نہ صرف اسلامی دنیا بلکن جہانی برادری ٹی ہم مقبول افس۔
