اسلام آباد۔ 13مئی (اے پی پی) وزیر مملکت دیر و بجلی عابد شیر علی پارینے کہ میپکوٹی جونیئر انجینئر نا عہدہ غاتیا بھرتی نا پڑو منہ دے اٹی کننگک۔ جمعہ آ ایوان بالا نا دیوان اٹی سینیٹر ڈاکٹر جہانزیب جمالدینی نا توجوہ مبذول نوٹس نا ورندی ئِ ترسا اوپارے کہ میپکوٹی جونیئر انجینئر بی پی ایس 17نا عہدہ غاتے کن ٹیسٹ انٹرویوز این ٹی ایس نا کنڈآن منعقد مسوسر۔ دامعاملہ غا کارروائی جاری ئِ و زوت نتیجہ غاتا پڑوئِ کننگک۔ اوکان مست سینیٹر ڈاکٹر جہانزیب جمالدینی توجوہ مبذول نوٹس آپارے کہ بلوچستان کن تخوک کوٹہ غا درخواست تروک آتا نتیجہ غاتا پڑوئِ کننگ تو وخت اس کہ ایلو صوبہ و علاقہ غاتیان تعلق تخوک آ اومیت دار آک تینا عہدہ غاتا چارج ئِ سنبھالانو۔
