اسلام آباد۔ 01 مارچ(اے پی پی) صدر مملکت ڈاکٹر عارف علوی پارینے کہ گورننس ءِ گچین کننگ کن ساڑی شار تے سمارٹ شار تیٹی بدل کننگ نا گرج ءِ، گورننس، تعلیم و ایلو بشخ آتیٹی مصنوعی ذہانت و ڈیٹاسائنس ءِ کاریم اٹ اتسا زندی آب اٹ گچینی اتنگ مریک۔ داخیال آتا درشانی ءِ او دوشنبے نادے آ سمارٹ سٹیز پروگرام نا بابت دیوان نا کماشی ءِ کرسا کرے۔ دیوان اٹی بنجائی وزیر سائنس و ٹیکنالوجی فواد چوہدری، چیئرمین ہائیر ایجوکیشن کمیشن و آئی ٹی چاہندار آک بشخ ہلکر۔ دیوان اٹی حوال اٹ پاننگاکہ سمارٹ شار تا جوڑ کننگ کن چاہندار آتا اسہ ٹیم اس جوڑ کننگانے، خصوصی بشخ آتیٹی پٹ وپول و شونداری کن قومی ہند جوڑ کننگانے۔ حوال اٹی داہم پاننگاکہ قومی ہند آتا مصنوعات آن نقل و حمل نا گچینءُ نظام اس، ڈوہ تا ڈس ءِ خلنگ و سائبر ڈوہ انا جاست و پاست اٹ کمک رسینگک۔ نائیجیریا انسداد دہشت گردی کن پوسکن انگا ٹیکنالوجی فراوان کننگ آ نیشنل ریڈیو ٹیلی کمیونیکیشن کارپوریشن نا کوشست آتا ستاءِ کرینے۔ داوخت آ گپ وتران کرسا صدر عارف علوی پارے کہ گورننس گچین کننگ کن ساڑی شار تے سمارٹ شارتیٹی بدل کننگ نا گرج ءِ۔ گورننس، تعلیم و ایلو بشخ آتیٹی مصنوعی ذہانت و ڈیٹاسائنس ءِ کاریم اٹ اتسا زندی آب اٹ گچینی اتنگ مریک۔ اوپارے کہ ڈیجیٹل انقلاب شاری تا زند ءِ گچین کننگ نا اسہ بے مٹ ءُ موقع اسے۔ ڈیجیٹل ٹیکنالوجی نا کمک اٹ شاری تے زیات گچین، پائیدار و جامع آسراتی تا فراوانی ممکن مننگ کیک۔ اوپارے کہ پاکستان نا شار تیٹی سمارٹ ٹیکنالوجی نا کمک اٹ شاری تے گچین زند انا آب و سیکورٹی دوئی مریک۔
