اسلام آباد۔ 24 فروری (اے پی پی) وزیراعظم عمران خان پارینے کہ سری لنکا نا صدر تون اونا اوڑدہی گچین مس و نن نیزگاری نا چٹفنگ تون اوار تین پہ تینی فائدہ غاتیٹی ہڑتوم آ کنڈآتا سیاسی و واپاری تعلقداری تے سوگو کننگ آ گپ وتران کرین۔ چارشنبے نادے آ وزیراعظم عمران خان تینا ٹویٹ آتیٹی پارے کہ سری لنکا نا صدر گوتابایاراجہ پاکساتون اوڑدہی ٹی نن خاص وڑاٹ خلقی علاقہ غاتیٹی نیزگاری نا چٹفنگ نا اسیجائی عزم انا بابت گپ وتران کرین، نن دا بابت ہم گپ وتران کرین کہ بزغر آتے اوفتا پیدوار آن زیات آن زیات فائدہ ہراوڑ مننگ کیک و مڈل مین نا کڑد ءِ چٹفسا ٹیکنالوجی نا کاریم اٹ اتنگ نا کمک اٹ شاری تسکان کنوئی آ گڑاتے اڑزآن نرخ آتیا ہراوڑ سرکننگ مریک۔ اوپارے کہ نن ہڑتوم آ ملک آتا تین پہ تینی فائدہ غاتیٹی سیاسی و واپاری تعلقداری تے سوگو کرسا تینا تعلقداری تے پین ودفنگ نابارواٹ ہم گپ وتران کرین۔ وزیراعظم پارے کہ او سری لنکانا ہائی پرفارمنس سپورٹس کمپلیکس نا ہم بناءِ کرے۔ داوخت آ اودے سری لنکن کرکٹرز ہرافتا برخلاف او کرکٹ گوازی کرسا کرے، تون ملسا ہم بھاز خوشی مس۔
