اسلام آباد۔ 24 فروری (اے پی پی) وزیراعظم نا خصوصی کمکار پٹرولیم ندیم بابر نا باوری کرفنگ آ ایل پی جی انڈسٹری ہڑتال ءِ 10 مارچ اسکان پدبٹے۔ چارشنبے نادے آ پٹرولیم ڈویژن آن جاری بیان نا رداٹ ایل پی جی انڈسٹری ایسوسی ایشن نا چیئرمین عرفان کھوکھر ڈل اتون اوار وزیراعظم نا خصوصی کمکار پٹرولیم ندیم بابر تون اوڑدہی کرے۔ اوڑدہی ٹی ایل پی جی نا پوسکن آ پالیسی آ گپ وتران کننگا۔ داوخت آ وزیراعظم نا خصوصی کمکار پٹرولیم ندیم بابر باوری کرفے کہ حتمی ایل پی جی پالیسی نا منظوری آن مست تعلقدار انڈسٹریءِ پت اٹ ہلنگک۔ منہ دے اٹی ایل پی جی پالیسی نا بابت سلابتی دیوان اس اڈتننگک۔ دا باوری کرفنگ آن پد ایل پی جی انڈسٹری تینا ہڑتال ءِ 10 مارچ اسکان پدبٹے۔
