لاہور۔ 24 فروری (اے پی پی) پیپلزپارٹی نا مرکزی راہشون و مسکوہی وزیراعظم سید یوسف رضاگیلانی پارینے کہ سینیٹ نا گچین کاری تیٹی ہروڑنا ہارس ٹریڈنگ نا مذمت ءِ کینہ۔ کنا گچین کاری تیکن اہل مننگ ہی سرپرائز اسے۔ او چارشنبے نادے آ لاہور نا احتساب عدالت اٹ مسلم لیگ ن نا صدر شہباز شریف نا پیشی آ اوڑتون اوڑدہی آن پد میڈیا تون گپ وتران کریکہ۔ سید یوسف رضاگیلانی پارے کہ نن پارلیمنٹ ءِ عزت تننگ تون اونا بالادستی کن کاریم کرین۔ سیاست اٹ شیف و بڑزی بریک، نن مستین ءِ گیرام کرسا مون آ کان۔ اوپارے کہ نن چارٹر آف ڈیموکریسی کرین، پی ڈی ایم اسہ حقیقت اسے۔
