اسلام آباد۔ 24فروری (اے پی پی) تدوک آ بیست ءُ چار گھنٹہ ٹی کورونا نا سوب آن پنجاب آن پد سندھ اٹی غٹ آن زیات مرک ریکارڈ کننگا۔ مچ آ ملک اٹ تدوک آ بیست ءُ چار گھنٹہ ٹی کورونا دین آن 50 مرک مس ہرافتیان 18 مرک وینٹی لیٹر آتیا ساڑی ناجوڑآتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 1 ہزار 196 بندغ آتا کوویڈ۔ 19 ٹیسٹ مثبت بس و 50 بندغ دا دین آن زوال کریر ہرافتیان 44 بندغ ہسپتال آتیٹی وخت اس کہ 6 ناجوڑ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر آتیا کوویڈ۔ 19 نا ناجوڑ آتا کچ انا لحاظ اٹ ملتان اٹ 27 درسد، لاہور اٹی 37 درسد، پشاور اٹی 21 درسد و اسلام آباد اٹی 33 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹ 35 درسد، میرپور اٹ 23 درسد، گجرات اٹ 61 درسد و لاہور اٹ 25 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 38 ہزار 453ٹیسٹ کننگا ہرافتیان سندھ اٹی 9 ہزار 77، پنجاب اٹی 16 ہزار 100، خیبرپختونخوا ٹی 7 ہزار 142، اسلام آباد اٹی 4 ہزار 705، بلوچستان اٹی 350، گلگت بلتستان اٹی 423، آزاد کشمیر اٹی 656ٹیسٹ اوار ءُ۔ داتم اسکان مچ آ ملک اٹ کوویڈ۔ 19 آن دراخ جوڑ مروک آتا کچ 5لکھ 38 ہزار 207 مسنے۔ بلوچستان، گلگت بلتستان و آزاد کشمیر اٹ کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹ کوویڈ۔ 19 کن جتا وینٹی لیٹر آتیا 241 ناجوڑ ءُ۔ مچ آ ملک اٹ کوویڈ۔ 19 نا ایکٹیو کیس آتا کچ 23 ہزار 665 ءِ۔ مچ آ ملک اٹ کورونا دین آن زہمی بندغ آتا کچ 5 لکھ 74 ہزار 580 ءِ ہرافتیان آزاد کشمیر اٹ 9 ہزار 995، بلوچستان اٹ 19 ہزار 4، گلگت بلتستان اٹ 4 ہزار 954، اسلام آباد اٹی 43 ہزار 753، خیبرپختونخوا ٹی 71 ہزار 282، پنجاب اٹ 1 لکھ 68 ہزار 891 و سندھ اٹ 2 لکھ 56 ہزار 741 ناجوڑ ءُ۔ مچ آ ملک اٹ کوویڈ۔ 19 آن زوال کروک آتا کچ 12 ہزار 708ءِ ہرافتیان سندھ اٹی 4 ہزار 301 مرک وخت اس کہ تدوک آ بیست ءُ چار گھںٹہ ٹی 4 ناجوڑ ہسپتال آتیٹی وخت اس کہ 4 ناجوڑ اُراتیٹی قرنطینہ ٹی دادین آن زوال کریر۔ پنجاب اٹ 5 ہزار 269 مرک وخت اس کہ تدوک آ بیست ءُ چار گھنٹہ ٹی 31 ناجوڑ ہسپتال آتیٹی وخت اس کہ 1 ناجوڑ اس اُراٹی قرنطینہ ٹی دادین آن زوال کرے۔ خیبرپختونخوا ٹی 2 ہزار 50 وخت اس کہ تدوک آ بیست ءُ چار گھنٹہ ٹی 6 ناجوڑ ہسپتال آتیٹی وخت اس کہ اسہ ناجوڑ اس اُراٹی قرنطینہ ٹی دا دین آن زوال کرے۔ اسلام آباد اٹی ککل 494مرک وخت اس کہ تدوک آبیست ءُ چار گھنٹہ ٹی اسہ ناجوڑ اس ہسپتال اٹ دا دین آن زوال کرے۔ بلوچستان اٹ 199 مرک، گلگت بلتستان اٹ 102 مرک، آزاد کشمیر اٹ دا دین آن 293 مرک مسنے وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر۔داتم اسکان مچ آ ملک اٹ کوویڈ۔ 19 نا 87 لکھ 90 ہزار 986ٹیسٹ کننگانے۔ مچ آ ملک اٹ کوویڈ۔ 19 نا درمان کن جتا 631 ہسپتال آتیٹی 2 ہزار 84 ناجوڑ درمان مننگ ءُ۔

متعلقہ مضامینمصنف کی طرف سے مزید