کوئٹہ۔ 24 فروری (اے پی پی) وزیراعظم نا خصوصی کمکار قومی سلامتی ڈاکٹر معید یوسف پارینے کہ پاکستانءِ چندی وڑنا چیلنج مون تروک ءِ ولے ساڑی حکومت دافتے تون مون تننگ کن خاطر خواہ گام گیج کننگ ءِ۔ داخیال آتا درشانیءِ او 31 می مڈکیریئر مینجمنٹ کورس انا زیر تربیت آفیسر آتون پاکستان نا وژن نا سرحال آ گپ وتران کرسا کرے، وزیراعظم نا خصوصی کمکار قومی سلامتی ڈاکٹر معید یوسف نم کوئٹہ نا دورہ ءِ کننگ تون اوار اوار او ادارہ نا چندی بشخ آتا ہم معائنہ ءِ کرے و نم انا کنڈآن تروک آ آسراتی تا جاچ ءِ ہلک۔ اومستی پارے کہ پاکستان تینا جغرافیہ نا سوب آن دنیا کن واپار نا مرکز مننگ نا لائخی تخک و حکومت کوشست کننگ اٹی ءِ کہ زیات آن زیات ملک آتے پاکستان اٹ زرکاری نا گچین آسراتی تا کمک اٹ راغب کننگ مرے۔ اومستی پارے کہ سرکاری ملازم مننگ نا ناطہ نما غٹ انا زمواری ءِ کہ حکومت نا وژن نا رداٹ پالیسی تیا عملدرآمد ءِ پک کننگے۔ ایسر اٹ او ڈائریکٹر جنرل نم ءِ ویل آتا ایسری کن تینا پبی کمکاری نا باور کرفے۔
