کوئٹہ۔ 24 فروری (اے پی پی) صوبائی دارالحکومت کوئٹہ تون اوار بلوچستان نا ایلو ضلع غاتیانبار چمن، جعفر آباد و جھل مگسی ٹی ہم محکمہ جان جوڑی فرنٹ لائن ورکرآتے کورونا غان بچفنگ نا رکھی ویکسین خلنگ نا مہم نا بناءِ کننگانے، ڈی ایچ او جعفر آباد ڈاکٹر قدرت اللہ جمالی، جھل مگسی ڈی ایچ او ڈاکٹر رخسانہ و ڈی ایچ کیو ہسپتال چمن اٹ حکومت نا کنڈآن تروک آ کورونا ویکسین ءِ باقاعدہ وڑاٹ ڈی ایچ او ڈاکٹر رفیق مینگل، ڈی ڈی ایچ او ڈاکٹر عبدالرشید اچکزئی، ایم ایس ڈاکٹر عبدالمالک اچکزئی، ڈاکٹر عبدالصمد اچکزئی و پیرامیڈیکل اسٹاف نا جنرل سیکرٹری رشید احمد و ایلوفتے ویکسین خلسا دامہم نا باقاعدہ وڑاٹ بناءِ کننگانے۔ ڈی ایچ او ڈاکٹر رفیق مینگل داوخت آ میڈیا ءِ پارے کہ ضلع قلعہ عبداللہ چمن ءِ مسہ سد کورونا ویکسین نا وائلز حکومت نا کنڈآن تننگانے و محکمہ جان جوڑی نا فرنٹ لائن ورکرآتے خلنگک و ارٹ میکو ریسہ ٹی ولدا حکومت نا پارت آتا رداٹ کورونا ویکسین نا فراوانی نا بناءِ کننگک۔
