الیکشن کمیشن بلوچستان آن سینیٹ نا گچین کاری تیٹی بشخ ہلوک آ اومیتدار آتا حتمی لڑ ءِ جاری کرے

کوئٹہ۔ 24 فروری (اے پی پی) الیکشن کمیشن بلوچستان آن سینیٹ گچین کاری تیٹی بشخ ہلوک آ اومیتدار آتا حتمی فہرست ءِ جاری کرینے، بلوچستان آن جم وڑاٹ سینیٹ نا 12 نشست آتیا 36 اومیتدار مون پہ مون مریرہ۔ صوبائی الیکشن کمیشن نا جاری کروک فہرست نا رداٹ بلوچستان آن سینیٹ نا 12 خورک نشست آتیا جم وڑاٹ 36 اومیتدار میدان اٹ مریرہ۔ بلوچستان آن سینیٹ نا 7 جنرل نشست آتیا 18 اومیتدار مون پہ مون مریرہ۔ ٹیکنوکریٹ نا 2 نشست آتیا 4، زالبول آتا 2 نشست آتیا 9 وخت اس کہ اقلیت نا 1 نشست آ 5 اومیتدار آتیٹی مقابلہ نا گمان ءِ وخت اس کہ 25 فروری آ پندار کاغد آتے پدی ہلنگ نا آخیریکو تاریخ مقرر کننگانے و 3 مارچ آ بلوچستان اسمبلی ہال اٹ سینیٹ نا گچین کاری تیکن پولنگ مریک۔