اسلام آباد۔ 23 فروری (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹ تدوک آ بیست ءُ چار گھنٹہ ٹی کورونا دین آن 41 مرک مس ہرافتیان 13 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 1 ہزار 50 بندغ نا کوویڈ۔ 19 نا ٹیسٹ مثبت بس و 41 بندغ دا دین آن زوال کریر ہرافتیان 38 بندغ ہسپتال آتیٹی وخت اس کہ 3 ناجوڑ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹ 27 درسد، لاہور اٹی 39 درسد، پشاور اٹی 24 درسد و اسلام آباد اٹی 33 درسد ناجوڑ ءُ۔ ہنداوڑاٹ ملک انا چار بھلو شار تیٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹ 35 درسد، اسلام آباد اٹی 22 درسد، گجرات اٹی 61 درسد و لاہور اٹی 24 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 33 ہزار 978ٹیسٹ کننگا ہرافتیان سندھ اٹی 9 ہزار 869، پنجاب اٹی 12 ہزار 157، خیبرپختونخوا ٹی 5 ہزار 985، اسلام آباد اٹی 4 ہزار 580، بلوچستان اٹی 376، گلگت بلتستان اٹی 430، آزاد کشمیر اٹی 581ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 5 لکھ 36 ہزار 243مسنے۔ بلوچستان، گلگت بلتستان و آزاد کشمیر اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 250 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 24 ہزار 483ءِ۔ مچ آ ملک اٹی کورونا دین آن زہمی بندغ آتا کچ 5 لکھ 73 ہزار 384ءِ ہرافتیان آزاد کشمیر اٹی 9 ہزار 878، بلوچستان اٹی 18ہزار 993، گلگت بلتستان اٹی 4 ہزار 951، اسلام آباد اٹی 43 ہزار 623، خیبرپختونخوا ٹی 71 ہزار 146، پنجاب اٹی 1 لکھ 68 ہزار 348 و سندھ اٹی 2 لکھ 56 ہزار 445 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 12 ہزار 658ءِ، ہرافتیان سندھ اٹی 4 ہزار 293 مرک وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی دا دین آن زوال کرے۔ پنجاب اٹی 5 ہزار 237مرک وخت اس کہ تدوک آ بیست ءُ چار گھنٹہ ٹی 27 ناجوڑ ہسپتال آتیٹی وخت اس کہ 2 ناجوڑ اُراتیٹی قرنطینہ ٹی دا دین آن زوال کریر، خیبرپختونخوا ٹی 2 ہزار 43 وخت اس کہ تدوک آ بیست ءُ چار گھنٹہ ٹی 7 ناجوڑ ہسپتال آتیٹی دا دین آن زوال کریر، اسلام آباد اٹی کل 493مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے، بلوچستان اٹی 199 مرک، گلگت بلتستان اٹی 102مرک، آزاد کشمیر اٹی دا دین آن 291 مرک مسنے وخت اس کہ تدوک آ بیست ءُچار گھنٹہ ٹی 2 ناجوڑ ہسپتال آتیٹی دا دین آن زوال کریر۔ داتم اسکان مچ آ ملک اٹی کوویڈ۔ 19 نا 87 لکھ 52 ہزار 533 ٹیسٹ کننگانے۔ مچ آ ملک اٹ کوویڈ۔ 19 نا درمان کن جتا 631 ہسپتال آتیٹی 2 ہزار 69 ناجوڑ درمان مننگ ءُ۔
