اسلام آباد۔ 23 فروری (اے پی پی) چین و پاکستان نا نیام اٹ زرگزران تون اوار اوار راجی بشخ اٹ ہم تعلقداری ءِ، سی پیک نا سوب آن ہندی بندغ آتے روزگار ملنگ آن بیدس سڑک و ایلو آسراتی تا تفنگ آن مروک آ زرگزرانی سرجزآتیٹی فی کس کٹیا ٹی ہم ودکی مریک و مخلوق ءِ ہلنگ نا وس ہم مریک۔ زرکاری بورڈ انا کمامدارآک اے پی پی ءِ پاریر کہ گوادر نا شونداری، خصوصی اقتصادی زون، ریلوائی نا ایم ایل ون لائن نا اپ گریڈیشن ڈٹ ءِ اولیتی بنداو تیا بناکننگ و راجی شونداری نا پڑک ءِ سی پیک اٹ اوار کننگانے۔ چین پاکستان اقتصادی راہداری نا اسہ ڈٹ اس ہم تاخیر نا گواچی اف۔ ڈٹ ءِ پین مون آ دننگ کن بنداو ءِ تخانن۔ پاکستان و چین موسمیاتی بدلی، آبی انتظام، جنگلات و کچٹی آن پاک چاگڑد نا بحالی نا بشخ آتیٹی کمکاری ءِ مون آ دننگ آ ہم خاص چکار کرینو۔
