اسلام آباد۔ 23 فروری (اے پی پی) محکمہ موسمیات پیش گوئی کرینے کہ دیکی تہوتا اسہ نزور چرجوئی اس ملک انا دیکی و بڑزکو علاقہ غاتیٹی ساڑی ءِ ہرا بروک آ ارٹ آن مسہ دے اسکان برجاسلنگ نا گمان ءِ۔ محکمہ موسمیات پارے کہ دیکی تہوتا اثراٹ ملک انا چندی علاقہ غاتیٹی پِر و بڑزکو علاقہ غاتیٹی برف انا گمان ءِ۔ پنجاب نا میدانی علاقہ غاتیٹی گوتلو مننگ نا گمان ءِ۔ محکمہ موسمیات نا رداٹ بڑزکو خیبرپختونخوا، گلگت بلتستان، کشمیر و ایب وکیب انا مشی آ علاقہ غاتیٹی جمری مننگ اٹ پُڑی پُڑی پِر و برف انا گمان ءِ وخت اس کہ ملک انا ایلو علاقہ غاتیٹی موسم یخ و پِرکپک۔ بنجائی دارالحکومت اسلام آباد اٹی موسم یخ و جمری مننگ اٹ پڑی پڑی پِر انا ہم گمان ءِ۔ کشمیر اٹ جمری مننگ تون پُڑی پڑی پِر و برف انا گمان ءِ۔
