نیویارک، میکسیکو سٹی، نئی دہلی، ریوڈی جنیرو۔ 23فروری (اے پی پی) مچ آ دنیا ٹی کوونا نا دین آن مرک آتا کچ 24 لکھ 86 ہزار اسکان سرمس وخت اس کہ چندی ملک آتیٹی ہلوک آ دین آن زہمی بندغ آتا کچ 11 کروڑ 22 لکھ آن گدرینگانے۔ سے شنبے نادےآ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 112263022ءِ، دین آن زہمی ملک آتیٹی داتم اسکان 2486195بندغ زوال کرینو۔ مچ آ دنیا ٹی داوخت آ کورونا نا فعال زہمی تا کچ 21988801 ءِ۔ کورونا نا دین آن امریکہ غٹ آن زیات زہمی مسنے۔ ملک اٹ کورونا دین انا سوب آن داتم اسکان جم زوال کروک آتا کچ دنیاٹی پین ملک آتیان زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹی ءِ وخت اس کہ میکسیکو زوال کروک آتا بابت مسٹ میکو ملک ءِ۔ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب وکتاب اٹ چارمیکو زہمی ملک ءِ۔ امریکہ ٹی ہلوک آ کورونا نادین انا ناجوڑ آتا کچ 2 کروڑ 88 لکھ آن گدرینگانے۔ وخت اس کہ ملک اٹ زوال کروک آتا کچ پنچ لکھ 12 ہزار آن زیات ءِ، 28826307پک زہمی تتون امریکہ داوخت آ دنیا ٹی کورونا نا دین آن غٹ آن بھلا ہند و زہمی ملک ءِ۔ امریکی محکمہ جان جوڑی نا رداٹ ملک اٹ کورونا دین آن داتم اسکان 2 کروڑ 88 لکھ 26 ہزار آن زیات بندغ زہمی مسنو۔ ملک اٹ کورونا دین انا فعال ناجوڑ آتا کچ 9199577ءِ۔ امریکہ ٹی کورونا نا دین آن داتم اسکان جم وڑاٹ 512590بندغ زوال کرینو۔ لاطینی امریکی ملک برازیل اٹ کورونا دین انا ناجوڑ آتا کچ اسہ کروڑ اِرالکھ اسکان سرمسنے۔ برازیل اٹ کورونا دین آن زوال کروک آتا کچ پدریسہ ودنگ ءِ، ملک اٹ کورونا دین آن داتم اسکان 247276بندغ زوال کرینو۔ برازیل اٹ کورونا نا دین انا 811040 فعال ناجوڑ ءُ۔ میکسیکو ٹی کورونا دین آن زہمی بندغ آتا کچ 20 لکھ 43 ہزار اسکان سرمسنے وخت اس کہ ملک اٹ ہلوک آ دین آن داتم اسکان اسہ لکھ 80 ہزار 5 سد آن زیات بندغ زوال کرینو۔ میکسیکو ٹی کورونا دین آن 2043632بندغ زہمی مسنو۔ کمامدارآتارداٹ میکسیکو ٹی کورونا دین آن داتم اسکان مروک آ زوال کروک آتا کچ ودسا 180536اسکان سرمسنے، ملک اٹ داوخت آ کورونا دین انا 261072 فعال ناجوڑ ءُ۔ بھارت اٹ کورونا دین آن زہمی تا کچ اسہ کروڑ 10 لکھ 15 ہزار اسکان ودانے، ملک اٹ کورونا دین آن داتم اسکان اسہ لکھ 56 ہزار چارسد آن زیات بندغ زوال کرینو۔ ملک اٹ کورونا دین انا زہمی تا جم کچ 11015863وخت اس کہ فعال کیس آتا کچ 148882ءِ۔ سرکاری حساب وکتاب نا رداٹ بھارت اٹ کورونا دین آن داتم اسکان 156498بندغ زوال کرینو۔ بھارت اٹ کورونا دین آن غٹ آن زیات زہمی ریاست آتیٹی مہاراشٹر آن بیدس تامل ناڈو، کرناٹک، آندھرا پردیش و اترپردیش اوار ءُ۔ ریاست مہاراشٹراٹ کورونا دین آن داتم اسکان 51 ہزار آن زیات زوال کرینو۔ سویلی ریاست تامل ناڈو ٹی دا کچ 14 ہزار آن زیات ءِ۔ ہلوک آ کورونا دین آن دہلی و دیکی بنگال اٹ جم وڑاٹ 20 ہزار بندغ زوال کرینو۔
