گورنر بلوچستان امان اللہ خان یاسین زئی نا بلوچستان نیشنل پارٹی نا مرکزی راہشون  ومسکوہی ڈسٹرکٹ ناظم نوشکی میر بہادر مینگل تون اوڑدہی ٹی گپ وتران

کوئٹہ۔ 23 فروری (اے پی پی) گورنر بلوچستان امان اللہ خان یاسین زئی پارینے کہ الس ءِ تعلیم، جان جوڑی، بجلی و ساف دیر انا بابت مون تروک مشکل آتیان خلاصی ترفنگ و راج انا عظیم اکثریت نا زرگزرانی و راجی سرجزآتیٹی شمولیت و بشخ ہلنگ ءِ پک کننگ آن اسہ جان جوڑ و جمہوری راج اسے پائیدار بنداو تیا سوگو کننگ مریک۔ داخیال آتا درشانی ءِ او بلوچستان نیشنل پارٹی نا مرکزی راہشون  ومسکوہی ڈسٹرکٹ ناظم نوشکی میر بہادر مینگل تون اوڑدہی ٹی گپ وتران کرسا کرے۔ میر بہادر مینگل گورنر ءِ نوشکی نا الس ءِمون تروک ویل و مشکل آتیان معلومدار کرسا پارے کہ علاقہ نا مخلوق دا شون ہلوک دور اٹ ہم زند انا بنداوی آسراتی تیان محروم ءُ، گورنر اونا ویل آتے جوانی اٹ بِنگ و اوفتا ایسری کن تینا کمکاری نا باوری کرفے۔