اسلام آباد۔22فروری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ حلیم عادل شیخ ءَ را سندھ حکومت ءِ کرپشن ءُ نااہلی ءَ را ٹک ءُ نشان دیگ ءِ پد ءَ سزا دیگ بوھگ ءَ انت، آئی ءَ را لٹ ءُ کٹ کنگ ءَ چہ کانود ءِ مستری ءَ را ڈگار ءَ جنگ بوتگ۔ سندھ حکومت ءِ رویہ مارا 70 ءِ زمانگ ءَ برگ ءَ انت، سندھ حکومت کانود ءِ شرپ ءَ بکنت، حلیم عادل شیخ ءِ گوما ناروائیں سلوک کنگ بوھگ ءَ انت، ما ایشی مذمت ءَ کناں۔ حلیم عادل شیخ یک نہ ترسیں ، دلیریں مردم انت ءُ عمران خان ءِ مھکمیں سپاھیگ ات، ما اے جیڈھ ءَ را ھمک پلیٹ فارم ءِ سر ءَ سہرا کناں، تاں وھد ءِ زرّ ءِ سیاست است انت نہ کہ جمہوری دیمروئی کنت ءُ نہ کہ معیشت، کمو کساس ءِ گوما سینیٹ الیکشن باج برگ ءِ چتور پی پی پی دعوٰی ءَ کنگ ءَ انت۔ تھرپارکر ءَ ھندی گچین کاری ءَ پی ٹی آئی ءِ باسک آناں آوار جنگ بوتگ، ڈسکہ ءِ الیکشن ءِ پیسلہ ءَ گوں دل ءِ جھلانکاں گوں تسلیم کناں، آئی ءَ گوشت کہ ن لیگ ءَ ماڈل ٹائون ءُ فیصل آبات ءَ چہ لٹ ءُ کُٹ ءِ سیاست ءَ سہرا کتگ، آئی ءَ گوشت کہ دزئی ڈنگی ءُ لچڈی ءَ را نوں ھلاس کنگ لوٹ ایت۔ آئی ءَ یک جستے ءِ پسو ءَ گوشت کہ اچ کانود اخلاقیات ءَ ابید چلئت نہ کنت، دُزئی کنگ ءَ را کانودی ھک گوشگ بوت نہ کنت۔
