پشاور۔22فروری (اے پی پی): مزن وزیر عمران خان ءَ گوشت کہ سیاسی ءِ راستیں مول ءُ مراد الس ءِ ازمت انت، سیاست ءَ را ایوک ءَ زر کمائینگ ءِ واستہ کارمرد کنوک مرچی بدنام انت۔ آئی ءَ اے ھیالانی درشانی دو شمبے ءَ ادا کابینہ ءِ باسک ءُ پی ٹی آئی ممبر اسمبلی ءَ گوں تران کنان ءَ کت۔ مزن وزیر ءَ گوشت کہ سیاست ءِ راستیں مول ءُ مراد الس ءِ ازمت انت۔ بد بھتی ءَ ادا مردم آں سیاست ءَ را ایوک ءَ زر کمائینگ ءِ واستہ کارمرد کتگ، اے مردم آں ھمک جاہ ءَ زر کارمرد کتگ ءُ نوں آ وتی گٹ ءُ بدنام انت۔ آئی ءَ گوشت کہ ما ھمے واستہ پشت کپتگ آں چیا کہ ادا سروکی السی ازمت ءِ مٹ ءَ زر دزئی کنگ ءِ واستہ سیٹ گپتگ، ما ھمک نظام ءِ تہ ءَ ساپ ءُ سلہ ئی لوٹاں۔ اے موہ ءِ سر ءَ پی ٹی آئی باسک ءَ مزن وزیر ءِ ویژن ءَ را سرجمیں رنگ ءَ من ات۔
