اسلام آباد۔ 22 فروری (اے پی پی) سی پیک ءِ وخت آ پورو کننگ حکومت نا اولیت آتیٹی اوار ءِ۔ سی پیک اتھارٹی کمامدارآتارداٹ سی پیک نا اولیکو ریسہ ٹی اہم ڈٹ آتا سرسہبی اٹ پورو مننگ آن پد ارٹ میکو ریسہ ٹی خصوصی اقتصادی علاقہ غاتا شونداری، واپار نا مون آ دننگ، کشت وکشار و ٹیکنالوجی تون اوار چندی بشخ آتیٹی کمکاری ءِ سوگو کننگ آ خصوصی چکار کننگک۔ یات سلے کہ سی پیک نا رداٹ خصوصی اقتصادی علاقہ غاتا شونداری و کارروائی تیٹی ترندی اتنگ کن سوئی نادرن گیس پیپ لین لمیٹڈ(ایس این جی پی ایل) و سوئی سدرن گیس کمپنی (ایس ایس جی سی) خیبرپختونخوا نا رشکئی، ٹھٹھہ سندھ انا دھابیجی خصوصی اقتصادی علاقہ و کراچی نا بن قاسم انڈسٹریل پارک ءِ گیس انا فراوانی ءِ پک کننگ نا فیصلہ کرینے۔ داکان بیدس سالانہ شونداری پلان(اے ڈی پی) نا رداٹ سی پیک 2020-21نا رداٹ مٹیاری۔ لاہور۔ 660کلوواٹ ایچ وی ڈی سی ٹرانسمیشن لین نا تفنگ آن نیشنل ٹرانسمیشن اینڈ ڈسپیچ کمپنی (این ٹی ڈی سی) ءِ سوگوی ملک۔ داکان بیدس پاک، چین کمکاری قابل تجدید توانائی نا پیدواری شونداری ٹی اہم کڑد ادا کرینے۔ پاکستان اٹ ونڈ انرجی نا اسہ بھلو پیدواری ادارہ اس اے سی ٹی ونڈ پرائیویٹ لمیٹڈ و سنکیانگ گولڈ ونڈ سائنس ٹیکنالوجی کمپنی اتون کمکاری نا چرجوئی ءِ مون آ دننگ ءِ۔
