اسلام آباد۔ 22 فروری (اے پی پی) سویلی بلوچستان نا ترند رفتار شونداری ڈٹ آتا پوروی کن 313 ملین روپئی نا ڈٹ آتیا کاریم مننگ ءِ۔ وزارت ڈٹ بندی شونداری و اصلاحات و خصوصی گام گیج اے پی پی ءِ پارے کہ دا ڈٹ پرامن و شونہال پاکستان کن وزیراعظم نا وژن نا وڑاٹی ءِ۔ دا ڈٹ انا رداٹ لگ بھگ 3 لکھ 20 ہزار ودکی اُراتے بجلی تننگک، ساڑی آ 12 درسد آن 57 درسد اُراتیان بجلی نا فراوانی ٹی ودکی مریک، 100 درسد اُراتے گیس انا آسراتی تننگک، 6 لکھ 40 ہزار چناتے ترند رفتار و فاصلاتی تعلیم نا پروگرام تا کمک اٹ آسراتی تننگک۔ 16 ڈیم تیٹی پنچ لکھ ایکڑ فٹ دیر کوڑی کینہ ہرا یک و نیم لکھ ایکڑڈغار ءِ سیراب کننگ کیک و دا ڈٹ انا رداٹ پین ہم بھاز آسراتی سویلی بلوچستان نا الس ءِ فراوان کننگک۔
