لاہور ۔21فروری (اے پی پی):گور نر پنجاب چوہدری محمدسرور ءَ گوشت تحریک انصاف آزات کشمیتر ءِ صدر بیرسٹر سلطان محمود ءِ سروکی ءَ پارٹی ڈل ءَ گند ءُ نند کت۔ گند ءُ نند ءِ سھت ءَ آزات کشمیر ءِ آیوکیں گچین کاری ءَ ، پارٹی ءُ سیاسی کار آنی گوما کشمیر ءِ جیڈھ ءُ کشمیری آنی سر ءَ بھارتی ظلم ءُ زوراکی آنی ھوالگ ءَ ھم گپ ءُ تران کنگ بوت۔ اے موہ ء، سر ءَ راجہ مظہر حسین ءَ ھوار ایندگر باسک ساڑی اتنت۔ گور نر پنجاب چوہدری محمدسرور ءَ گوشت کہ کشمیر ءِ جیڈھ ءِ سر ءَ پاکستانی سیاسی ءُ نیک راھی گل آں ھوار درست یکیں بن گپ ءِ سر ءَ انت، نریندر مودی پاکستان دژمن ناشرکاری گل آنی سروک جوڑ بوتگ، کشمیر ءَ بھارتی ظلم ءُ زوراکی آنی سر ءَ میاں اوستمانی ادارگ آنی ھاموشی ھم یک جرم ات۔
