کراچی ءَ جاک کنوک آنی جنگ ءُ  جیو گروپ ءِ بنجاھی کارگس ءِ سر ءَ ارش ءَ را مذمت کناں، واکیہ ءِ ساپ ءُ سلہ ایں پٹ  ءُ پول بہ بیت، بنجاھی وزیر برائے اھوالکاری ءُ شنگ کاری سینیٹر شبلی فراز ءِ تران

 اسلام آباد۔21فروری (اے پی پی): بنجاھی وزیر برائے اھوالکاری ءُ شنگ کاری سینیٹر شبلی فراز ء۔ گوشت کہ کراچی ءَ  جاک کنوک آں جنگ ءُ جیو گروپ ءِ بنجاھی کارگس ءِ سر ءَ بوتگیں ارش ءَ را مذمت  گراں، واکیہ ءِ ساپ ءُ سلہ ایں  پٹ ءُ پول بہ بیت۔  یک شمبے ءِ روچ ءَ  کراچی ء۔ جنگ ءُ جیو گروپ ءِ بنجاھی کارگس ءِ  سر ءَ ارش ءَ چہ پد ٹی وی چینلے ءَ گوں تران ءِ ساھت ءَ آئی  ءَ گوشت کہ ایمنی ءَ گوں جاک  کنگ ءِ ھک  است ارکس ءَ بلے ایش اچبر منگ نہ بیت  ءُ حکومت اچ کس ءَ را لٹ ءُ کُٹ ءِ موہ ءَ ھم نہ دنت، سندھ حکومت ءَ  پرچہ وھد ءُ موہ ءِ سر ءَ  پولیس روان نہ داتگ۔  شبلی فراز ءَ گوشت کہ واکیہ ءَ پولیس ءِ ھاموشی  ءَ گوں اوشتگ ءُ تماشاہ چارگ پھم ءُ اگل ءَ چہ ڈن انت کہ پرچہ پولیس ءَ جاک ءُ کوکار کنوک آنی ھلاپ ءَ ایکشن نہ زرتگ، واکیہ کراچی ءَ بوتگ پمے ھاترا سندھ حکومت ءِ زمہ واری انت کہ آ واکیہ ءِ سرجمیں پٹ ءُ پول ءَ بکنائین ایت۔ پٹ ءُ پول بکنائین ایت کہ واکیہ ءَ کئے کئے ئی دست مان بوتگ۔