ڈسکہ تیرگواری وئیل ءَ کارکنوکانی جانانی زوال بوہگ ءَ سک باز اپسوز اِنت، (ن) لیگ دروگ، لُچی ٹگی ءُ ناشردوستی ءِ سیاست ءِ سرءَ یقین کنت، سینیٹر شبلی فراز

اسلام آباد۔20فروری (اے پی پی): حال ءُ اھیوال کاری ءُ شنگکاری ءِ بنجاہی وزیر سینیٹر شبلی فراز ءَ ڈسکہ تیرگواری وئیل ءَ کارکن آنی جانانی زوال بوہگ ءِ سرءَ اپسوز ءِ درشانی کتگ ءُ گشتگ کہ اے وئیل اے گپ ءِ ثبوت اِنت کہ (ن) لیگ دروگ، لُچی ٹگی ءُ ناشردوستی ءِ سیاست ءِ سرءَ یقین کنت۔ شمبے ءِ روچءَ وتی ٹویٹ ءَ بنجاہی وزیر سینیٹر شبلی فراز ءَ گشتگ کہ لیگی گُنڈا آں پولنگ سٹیشن آنانی سرءَ اُرش کتگ ءُ ووٹ ءِ شرپ ءُ عزت ءَ را حاکاں ہوار کتگ۔ آئی ءَگشتگ کہ پاکستان تحریک انصاف گچین کاری ءَ ساپ ءُ سلہی  بلے اپوزیشن بہا ءُ سیم ءُ پیسہ ءِ سیاست ءَ را گیش دوست داریت۔ آئی ءَ گشتگ کہ ڈسکہ وئیل ءِ زمہ وار آیانی بدیں آسرءَ سرکنگ بنت، دعا اِنت کہ اللہ تعالیٰ بیران بوتگیں مردمانی مغفرت ءَ بہ کنت ءُ پُشپداں سگءُ اوپار بہ دنت۔