کورونا ویکسین ءِ ھاترءَ  60 سال ءَ چہ گیش مردمانی رجسٹریشن بندات کنگ بوتگ، اسد عمر

اسلام آباد۔20فروری (اے پی پی): منصوبہ بندی ءُ دیمروئی ءُ حاسیں ازمت ءِ بنجاہی وزیر اسدعمر ءَ گشتگ کہ کورونا ویکسین ءِ ھاترءَ 60 سال ءَ چہ گیش مردمانی رجسٹریشن بندات کنگ بوتگ۔ شمبے ءِ روچءَ وتی ٹویٹ ءَ آئی ءَ گشتگ کہ 60 سال ءُ ایشی ءَ چہ گیش اُمبر ءِ مردمانی رجسٹریشن پیسر ءَ چہ بوہگ ءَ اِنت۔ اسد عمر ءَ گشتگ کہ پہ اے مردمانی ھاتر ءَ ویکسینیشن مارچ ءِ ماہ ءِ اولی ہفتگ ءَ بندات کنگ بیت۔ آئی ءَ گشتگ کہ 60 سال ءَ چہ گیش اُمبر ءِ درائیں شہری آناں ویکسین ءِ ھاترءَ رجسٹریشن کنگ ءَ زور پِر داتگ ءُ  گشتگ کہ اے اُمبر ءِ درائیں شہری آں گوں دزبندی اِنت کہ آ وتی نام ءَ درج بہ کنائیناں۔