اسلام آباد۔20فروری (اے پی پی): انسانی حقانی بنجاہی وزیر ڈاکٹر شیریں مزاری ءَ مزن وزیر ءِ پنتءُ شون ءِ سرءَ شمبے ءِ روچءَ پہ بیگواہیں مردمانی ھاترءَ دھرنا دیئوکیں حانداناں گوں گندءُنندکتگءُ آیاں مزن وزیر ءِ کلوہ سرکتگ۔ انسانی حقانی وزارت ءِ نیمگ ءَ چہ جاری کتگیں بیان ءِ ردءَ انسانی حقانی بنجاہی وزیر ءَ حانداناں گوں  گشتگ کہ دھرنا ہلاس کنگ ءُ آیوکیں ماہ مارچ ءَ سے باسکی نمائندگ کمیٹی ءَ گوں گندءُنندکنگ لوٹ ایت۔ آ اے گندءُ نندءِ بندوبستءَ وت کنت۔ آئی ءَ گارءُ بیگواہیں مردمانی حانداناں گوں  گشتگ کہ آ وتی مردمانی نامانی لڑے جوڑ بہ کن اَنت ءُمارا سربہ کن تنکہ گارءُ بیگواہیں مردمانی بارواہ مزن وزیر ءَ سرپد کنگ بہ بیت۔ اے موہ ءَ گوں حانداناں دزبندی کتگ کہ دھرنا ءَ استیں 13 حاندانانی بیگواہیں مردمانی جیڑہ زوت گیشءُگیوار کنگ بہ بیت۔ بنجاہی وزیر ءَ بیگواہیں مردمانی حاندانانی دزبندی نبشتہ کتگ۔ ڈاکٹر شیریں مزاری ءَ گشتگ کہ قانون سازی ءَ چہ بیگواہیں مردمانی  جیڑہ ءَ را گیشءُ گیوار کنگ بیت، اے ہوالگءَ گامگیج کنگ بوہگ ءَ اِنت۔