اھوال : اللہ داد شیخ
رجانک: اورنگزیب اسلم بلوچ
صنعتی شوبگ ءَ کجام ھم ملک ءِ اقتصادی دیمروئی ءَ کلیتی بستار ءِ دار ایت، پاکستان ءِ صنعتی پڑ ءَ ایندگر آں ابید ٹیکسٹائل ءِ شوبگ ءَ را جوانیں بستار ءِ است ایش راجی معشیت ءِ مھیکمی ءُ روزگار ءِ پجاری ءِ یک ارزشتی ایں وسیلگ ات۔ پاکستان تحریک انصاف ءِ حکومت وھد ءِ سروکی ءَ اتک گڈا ٹیکسٹائل ءِ شوبگ چوشکہ کسانیں صنعت آنی دیمروئی ءِ واستہ جوانیں گامگیج چست کت اے رد ءَ جوانیں آسر سہرا بوھگ ءَانت۔ صوبہ سندھ ءِ ضلع سنگھڑ ءَ ٹیکسٹائل ھاسیں رنگ ءَ پاور لومز ءِ ھوالگ ءَ ھاسیں ارزشت ءِ است، سانگھڑ جوانیں ءُ بے دروریں کپاس پیداک کنوکیں یک ٹوھیں ضلع ات۔ اے ضلع ءِ شہر ٹنڈدو آدم ءَ پاور لومز ءِ ھندی صنعت گوستگیں 50 سال ءَ چہ جوڑ انت ءُ ہزارانی مردم اے روزگار ءَ گوں بندوک انت ایشیءَ چہ نا ایوک ءَ مردم وتی پاد آنی سر ءَ اوشتگ ءَ کمک رسگ ءَ انت بلکینگ ءَ ملک ءِ گرانی بھائیں در ملکی زر امبار ھم رسگ ءَ انت۔
پاکستان سمال یونٹس پاور لومز ایسوسی ایشن ءِ زونل سیکریٹری محمد صابر انصاری ءَ اے رد ءَ “اے پی پی” ءَ گوں تران کنان ءَ گوشت کہ مزن وزیر پاکستان عمران خان ءِ نیمگ ءَ کسانیں صنعت آنی دیمروئی ءِ واستہ گامگیج ءَ چہ کسانیں صنعتی پڑ ءَ گہتری کئیت، لاک ڈائون ءِ ساھت ءَ توان ءِ بل آنی رد ءَ 3 ماہ ءِ یلوئی ءَ ما مزنیں ڈکال ءَ چہ رکھ اتاں ءُ وتی پاد آنی سر ءَ اوشتات کتگ۔ آئی ءَ گوشت کہ گُد تیار کنگ ءِ صنعت ءُ شوبگ ٹیکسٹائل ملکی معیشت ءَ درستاں چہ گیش ارزشتی ایں کرد پیلو کنت انت، ضلع سانگھڑ ءِ شہر ٹنڈو آدم ءَ 500 ءَ چہ گیش پاور لومز آنی کسانیں یونٹ کار کنگ ءَ انت، ایشانی تہ ءَ 7000گد تیار کنگ ءِ مشین چلگ ءَ انت۔ ان لومز آنی تہ ءَ 10 ہزار ءَ چہ گیش مزور ھمک روچ ءِ روز ءِ ھساب ءَ مزوری کنگ ءَ انت ءُ وتی زھگ آنی واستہ نگن کمائینگ ءَ انت۔
محمد صابر انصاری ءَ گوشت کہ دگنیا ءِ جتا جتائیں ملک آں چہ در آمد کتگیں بندیک کراچی ءَ پج ایت ءُ ایشاں ما بھا زوراں۔ ادا اے مشین آنی وسیلگ ءَ پولسٹر، سٹیپل، جارجٹ، کد، کاٹون، سئزنگ ءُ مچھر دانی ءَ ھوار جتا جتائیں نمونگ ءِ ھمک ماہ 2 کروڑ میٹر لس گُد تیار کنگ بیت۔ آ گد کراچی ءُ حیدر آباد ءَ روان دیگ بیت ادا ایشی فنشنگ کنگ بیت ایشی ءَ چہ پد آ گڈ امریکہ، برطانیہ، جرمنی، سعودی عرب، متحدہ عرب امارات ءُ دگنیا ءِ ایندگر بازیں ملک آناں ھم روان دیگ بیت ایشی ءَ چہ بازیں زر ءِ کماینگ بیت۔ آئی ءَ گوشت کہ اے صنعتی یونٹس توان ءِ بل ءَ را یک شلی ءَ دینت۔ لاک ڈائون ءِ ساھت ءَ توان ءِ بل ءِ رد ءَ 3 ماہ ءِ ریایت دیگ ءِ گامگیج ءِ سر ءَ مزن وزیر پاکستان عمران خان ءُ بنجاھی حکومت ءِ توسیپ ءَ کنان ءَ آئی ءَ گوشت کہ مزن وزیر ءِ اے گامگیج ءَ چہ ما شدیکی ءُ ڈکال ءَ چہ رکھ اتگ آں ءُ وتی پاد آنی سر ءَ اوشتاتگ انت ورنہ ڈکال ءَ آماچ بوتگ انت۔ آئی ءَ گوشت کہ صنعتی شوبگ کجام ھم ملک ءَ چہ بے روزگاری ءِ ھلاسی ءَ ارزشتی ایں کرد ءِ پیلو کنت، ھمے رچ ءَ پاور لومز ءِ شوبگ ھم ملک ءِ اندر ءَ روزگار ءِ پجاری ءُ ملکی معیشت ءِ مھکمی ءِ ارزشتی ایں وسیلگ ءِ جوڑ بوتگ۔
آئی ءَ گوشت کہ ٹنڈو آدم ءَ پاور لومز ءِ شوبگ گوستگیں 50 سال ءَ چہ 10 ہزار ازمت کنوک آناں روزگار پجاری کنگ ءَ انت۔ ٹیکسٹائل ءِ صنعت ٹنڈو آدم ءِ درستاں چہ مستریں صنعت انت ایشی ءِ سبب ءَ ٹنڈو آدم شہر ءَ بے روزگاری کم بوھگ ءَ انت۔ آواں لوٹ کتگ کہ توامیں بل آنی دیگ ءِ رد ءَ مئے توان فیڈر ءَ را لوڈ شیڈنگ ءَ چہ فری نامینگ بہ بیت، گُد ءِ کمیءِ سبب ءَ رستگیں آرڈر ھم سرجم نہ بوھگ ءَ انت اے جیڈھ ءِ نیمگ ءَ ھاسیں دلگوشی دیگ بہ بیت، آئی ءَ گوشت کہ جتا جتائیں ٹیکسز ءِ رد ءَ ھم جوانیں ریایت دیگ بہ بیت تانکہ ما ملکی معیشت ءِ دیمروئی ءُ مھکمی ءَ گیشاں چہ گیش کرد پیلو کت بکن آں۔
ایشی ءَ ابید پاور لومز ءَ گوشتگ کہ کسانیں ءُ درنیامی کساس ءَ چلوکیں اے صنعت ٹوھیں کساس ءَ لس مردمی ھاٹیگ ءَ را وتی اندر ءَ کتگ، ایشی ءَ چہ بازیں سیادی داروکیں شوبگ ھم دیمروئی کنگ ءَ انت۔ یک پاور لوم ءِ مالک ساجد محمود ءَ گوشت کہ مئے شہر ءَ پاور لومز ءِ شوبگ ءَ کم ءُ بیش 80 ہزار مزور کار کنگ ءَ انت ایشی ءِ سبب ءَ آوانی گس ءِ چُل روک انت۔ پاور لومز ءَ تیار بوھوکیں گُد کراچی، حیدر آباد ءَ ھوار ملک ءِ جتا جتائیں بھر آنی تہ ءَ رونت، ایشی ءَ ابید اے تیار بوھگ ءَ چہ پد برآمد ھم کنگ بنت۔ آئی ءَ گوشت کہ پاسر لومز ءَ جارجٹ، پولیسڑر، ململ، سٹیبل، کھدر ءُ جتائیں جتائیں نمونگ ءِ گُد تیار کنگ بیت۔ ایشانی سک باز لوٹ انت۔
یک دگہ پاور لوم فیکٹری ءِ مالک شکیل احمد انصاری ءَ گوشت کہ مئے دمگ ءَ کسانیں ءُ مزنیں پاور لومز جنگ بوتگ ایشانی تہ ءَ ایوک ءَ لس مردمی ھاٹیگ ھرچ بوھگ ءَ انت بلکینگ ءَ بازیں دگہ شوبگ آنی تہءَ کار کنگ ءِ موہ گیش بوھگ ءَ انت۔ ٹرانسپورٹ، ریڑھی بان ءَ ھوار اے صنعت ءَ چہ بندوکیں ایندگر شوبگ ھم دیمروئی کنگ ءَ انت۔
ادا پاور لومز ءَ کار کنوکیں مزور آنی گوشگ انت کہ ھاندان ءِ بنیات ضلورت آناں پیلو کنگ ءَ ھوار گس ءِ چُل ھم اے صنعت ءِ بدولت ءَ چلگ ءَ انت۔ گیشتر مزور دہاڑی ءِ بنیات ءَ کار کناں، ایشاناں 500 ءَ چہ 700 کلدار ھمک روچ مزوری رسیت۔ مزور یں تبک ءِ مردم آناں ھمروچگیں مزوری/ دیاڑی ، جان سلامتی، وانگ ءُ زانگ ءَ ھوار جتا جتائیں آسراتی آنی ھوالگ ءَ مشکل است انت۔ ایشانی واستہ سیادی داروکیں کارندہ آناں زوت دلگوش کنگ ءِ ضلورت انت۔ راستیں رنگ ءَ ٹنڈو آدم ءَ ھوار صوبگ ءِ جتا جتائیں دمگ آنی تہ ءَ استیں پاور لومز نا ایوک ءَ روزگار ءِ پجاری ءِ ٹوھیں وسیلگ ات بلکینگ ءَ ملکی معیشت ءَ را دیمروئی دیگ ءِ سبب ھم است انت۔
